JÁ Tríó

JÁ Tríó spilar ljúfa jazztónlist við ýmis tækifæri og er brúðkaupið þar engin undantekning. Hvort sem um er að ræða tónlist í kirkjunni, í fordrykk og/eða borðhaldi þá getum við skapað réttu stemninguna. Við getum leikið undir hjá söngvara/söngkonu ef þess er óskað og einnig flutt óskalögin ykkar, allt eftir því hvað hentar.

Tríóið hefur verið starfrækt frá árinu 2015 og hefur mikla reynslu af hvers kyns spilamennsku (hótel, veitingastaðir, brúðkaup, afmæli, árshátíðir, kokteilboð, ráðstefnur o.fl.). Tríóið spilar mjög reglulega í Reykjavík og nágrenni og höfum við allir komið fram á stærri viðburðum eins og t.d. á Jazzhátíð Reykjavíkur.

JÁ Tríó skipa þeir Jón Ómar Árnason á gítar, Albert Sölvi Óskarsson á saxófón og Birgir Steinn Theodórsson á kontrabassa.