tékklisti

Löngu fyrir brúðkaup

Byrjið á því að velja dagsetningu og verið viss um að uppáhalds fólkið ykkar komist þann dag.

Ákveðið hve miklu þið viljið verja í brúðkaupið og gerið fjárhagsáætlun út frá því.

Brúðkaupsferðina má undirbúa með góðum fyrirvara. Munið að athuga hvort vegabréfið sé ekki örugglega í gildi.

Bókið hótelherbergi fyrir brúðkaupsnóttina.

Bókið kirkju og prest.

Bókið sal og kannið borðbúnað og tæknimál.

Bókið ljósmyndara.

Bókið veisluþjónustu.

Bókið skemmtikrafta.

Bókið tónlistarfólk í athöfnina.

Fimm til sex mánuðum fyrir

Pantið (eða útbúið) boðskortin og sendið þau um leið og þau eru tilbúin. Ef þið viljið grafískan hönnuð í verkið þekkjum við nokkra. Hafið samband við okkur.

Ef það verða börn í veislunni þarf að byrja undirbúning fyrir það. Prentið út myndir til að lita, eitthvað til að horfa á og e.t.v. bókað skemmtikraft. Leiki, litabók og skemmtikrafta má finna á barnaafmæli.is.

Leitið að hárskrauti, skóm, sokkabandi, slöri, skarti og öðrum fylgihlutum.

Þrem til fórum mánuðum fyrir

Kaupið fallega gestabók og góðan penna. Gaman er að láta skrifa nöfn brúðhjóna og dagsetningu á fyrstu síðuna.

Panta tíma í hárgreiðslu og snyrtingu.

Ef þið eruð ekki búin að senda boðskortin er núna tíminn til þess.

Tveimur mánuðum fyrir

Farið í ljós (ef vill) svo húðin nái að jafna sig.

Ef þið eruð ekki farin að hreyfa ykkur er það ekki seinna vænna.

Verið í sambandi við hljómsveit, trúbador og/eða DJ og ræðið óskalög.

Einum mánuði fyrir

Kíkið í prufutíma í hár og förðun.

Gangið frá hringum. Verið ánægð með þá því þið munuð bera þá um ókomna tíð.

Pantið æfingu í kirkjunni nokkrum dögum fyrir athöfn.

Raðið fólki á borð.

Gangið frá blómvendi og skreytingum.

Einni viku fyrir

Gott að kíkja í snyrtingu og annað sem þarf að gera.

Biðjið einhvern sem þið treystið að taka gjafirnar um kvöldið og koma heim til ykkar.

Gangið úr skugga um að veislustjórarnir hafi allar upplýsingar sem þeir þurfa.

Gott að staðfesta við alla útkeypta þjónustu um að allt stemmi.

Dreifið ábyrgð til vina og ættingja með það sem hægt er.

Stóri dagurinn

Ef þið eigið rútínu er gott að fylgja henni

Borðið góðan og næringarríkan morgun- eða hádegismat. Það er ekki víst að þið getið borðað ykkur södd í veislunni

Gefið ykkur nægan tíma til að gera ykkur til. Það er talsvert betra að allt sé klárt löngu fyrir athöfn en að vera á síðustu stundu.

Eftir brúðkaupsdaginn

Þakkið öllum sem lögðu hönd á plóg og aðstoðuðu við að gera daginn að því sem hann varð.

Þakkið öllum fyrir gjafirnar.

Gangið frá greiðslum við alla þjónustu.

Sinnið hjónabandinu, ræktið það, verið tillitsöm og elskið hvort annað skilyrðislaust. Þið getið farið á Lútherska hjónahelgi eftir nokkur ár.

Listinn er ekki tæmandi, síður en svo, en hjálpar ykkur vonandi.